He pakipoto mā ngā kaipānui katoa i roto tonu i te reo Māori – a collection of short stories for all in te reo Māori.

He rangatahi ngākau whiwhita ki ngā waka tetere. He kairapuhara wahine Māori e mahitahi ana ki roto i te ao kikokiko me te ao atua. He kaihoahoa hūmārie ka tukirae atu ki tētehi manuwhiri i te rārangi harirū.

Nā te kairīpoata rongonui a Atakohu Middleton tēnei kohikohinga tuatahitanga o ngā pakipoto ka tuhia katoatia ki te reo Māori. He rerekē ngā wā. He matatini ngā momo pakipoto. He tini ngā reo. Ka kite ngā kaipānui i ngā kōrero pirihimana, ngā paki ā-whānau, ngā kōrero pohewa me ngā pakipoto e pā ana hoki ki te huringa taiohi hei pakeke. He mea tuhi ki te reo ngāwari kia pai ai mā ngā tauira wharekura me ngā tauira kua eke ki te taumata waenga. He pakipoto whakaihiihi, he mea titi ki te ngākau hoki mō Aotearoa o nāianei.

Mā te tuhinga a Atakohu Middleton ka ngahau ngā tāngata matatau ki te reo tae atu ki ērā anō tāngata i runga i tō rātou ara reo Māori.

—

A car-crazy rangatahi with a need for speed. A tenacious wahine Māori detective whose work straddles the worlds of humans and gods. A mild-mannered architect who headbutts a manuwhiri in the harirū line.

From well-known journalist Atakohu Middleton comes Aotearoa’s first collection of short stories written entirely in te reo Māori. The stories span time, genres and voices – readers will find police procedurals and family dramas, fantasy stories and coming-of-age yarns. Written in accessible reo Māori aimed at wharekura students and language learners from intermediate level up, this is gripping and exciting writing for contemporary Aotearoa.